Iërste puntj veur 't twitj!

Joa luuj eindelijk waas ’t zoë ver; de iërste competitiematch veur ’t nieje sterrenensemble van ’t twitj. Noa de vreselijke baekerputjes konden we os klaor maken veur ’t echte werk. Dit weekend oet tegen die greune van Kèpel. Met de aaftrap om 10:00 waas 9:00 verzamelen toch pittig vreug veur sommigen. Uiteraard Colibertho weer te laat veur de 2de waek op rie (wel wéér bruedjes gescoord) , maar ouk Fileerherman en Kazillias (Naus Waus) wisten neet om 8:59 in de kantine te zien. Mer good, idderein zien vulste werme tas koffie oet en met redelijk get versjterkingen van ’t ursjt kosten we vertrekken nao Kèpel. Gelukkig waren Sande en Wilchamp weer van de partie om de technische staff te versterken aangezeen ozze hoofdcoach het weer nuujdig vong zichzelf in de spits op te stellen. Aan Matige Morel dus de taak om het wisselbeleid op te pakken vandaag, wat d’r huul good heet gedaon zoeals d’r zelf 811x verteld heet tiedens de derde helft. Verder Slipjes Staaks in de basis aangezeen captain Pieee met ziene Peeters enclave op familieweekend waas en Turbo ouk veur het twiëde weekendj op rië familieweekend.

De warming up onder leiding van Sande verleep zoeals gewend neet vlekkeloos. Tropical Danny (Sjers) most zoë nuujdig ziene inkel dubbelvouwen, problemen dus. Maar tropical gelukkig toch op de linksboëte in de basiself. Gelegenheidscapitano Kees (Yorrrrrrrman) op de rechterflank. Kay Kurve ouk zien debuut in de basis.

Den richting de aaftrap. Kloksjlaag 10:00 werd d’r aafgetrapt. Kees helaas de toss verloren dus baardknuur met de zon in zien fresse de iërste helft. De iërste 35 minuten gebeurde dr akelig weinig. Zeg mer gerust hielemoal niks. Maar oet ’t niks kwaam doa unne opening veur ’t twitj. Unne aafgeketste curner kwaam veur slipjes staaks zien veut en dae pakt um vol op de sjloef. Dae Kepelse keeper wet dan auch neet wat ‘m euverkumpt en ken de bal oet ’t netje gaon vissen. 0-1 VEUR ’T TWITJ! Uiteraard wuurd er gejuicht alsof we de Champions League hebben gewonnen en dinkt idderein det we al kampioen zien.

Toen kwamen d’r 5 zwoare minuten aan. Twië kiër kumpt de bal op de lat en baardknuur kos er neet aan helaas. Dea tunkespits van Kepel tikt de rebound binnen veur de 1-1. De 2-1 duujt baardknuur dr zelf met zien vutje in. (Own Goal baardknuur). Nog veur rust guuft ’t twitj ut gans weg. Zoe slecht det we zelfs met 4-1 achter nao het kleidlokaal weren gestuurd.

In de rust unne stilte van verslagenheid gevolgd door unne donderspeech. In de volksmond gaon geruchten van “beste donderspeech oëits” want nao de rust stong d’r un herboren twitj op de graasmat van Képel.

Al snel noa rust zwengelt Kees ziene moped aan en dea rent die ganse verdediging van Kepel volledig aan gort. Auk dea keeper kos Kees neet stoppen. 4-2! Inmiddels is Tropical gewisseld veur Kipchoge (Jesper). Kipchoge stuurt kurve de hook in , Kurve zet dae bal vervolgens perfect veur en Greek is d’r als de kiepe bej om dea bal binnen te rammen 4-3! Dan kumpt Tropical truuk van ’t douchen en dea geluift zien oëre neet als d’r huurt det ut al 4-3 steit.

Paar minuten later versiert Tarik (joa we hebben nog genne bienaam veur Tarik) unne pingel. Capitano Kees pakt zien verantweurdelijkheid en eist dea bal op. Kees sjuut dea keurig binnen! 4-4!! Wat unne comeback noe al. Maar ’t twitj wil noë auk door veur die drie puntos. De piëp is dan wel un stuk leeger dan in ’t begin van de twiëde helft. Neet gek nao al det aafjagen met 25 graad en gen drinkpauze. Klomp Ivo mot de strijd dan ouk staken , gelukkig sexy pierke nog in staat om in te vallen. Det haj nemand euverigens gedacht nao det slaagveldj van de WP daag.

Plots kumpt dao weer un mega kans veur Kees maar dit kier lobt dea ‘m euver helaas. Tarik haj gelukkig ’t vizier wel nog op sjerp en dae sniejd wie un mes in un werm pekske botter door die kepelse achterhoede en dae maakt ‘m gewuün. 4-5 VEUR ’T TWITJ ONGELUIFELIJK!!!

De slotfase beperkt ’t twitj zich tot verdedigen en lange raketten van Baardknuur die nog wel veur gevaor zorgde mer neet zat. Knotto ken vervolgens nimmer verder en geit er bie zitten. Good Old Stan is dan al ingevallen dus dea is gen optie mier. Matige dus genoodzaakt om verder zien opties te euverwegen. De keuze is al snel gemaakt. Matige kumpt zelf binnen de liënen om die drie punten oet het vuur te sjleipuh. De angere opties waren nog NN7 of Colibertho mer die hajje d’r beide weinig zin in.

Kèpel kriegt dan in de allerletste minuutj nog un mega kans om geliek te maken. Baardknuur offert met gevaor veur eigen laeve ziene rechter teelbal op en dae pakt dea kans vol in zien edele delen. Klasse gekeept. Dan blaost de uitmuntende sjeids drie maal op zien fluitje en is de allerierste euverwinning veur het twitj un feit! Fabelachtige comeback.

In Kèpel zien de lokale nog neet gans in orde nao dae brandj dus wuurd het twitj vriendelijk verzocht om zich in de Heuf te douchen. We vallen dao nog net neet om van de lurpwalm van dea Q-music foute paorty. Ongertussen verteld matige woar d’r zoaterdigaovend gaer un wiefke haj willen opsjrieven mer helaas neet gelukt. Kees daor in tegen wel flink gescoord; zondig twië kier en zoaterdig ouk twië vrouwkes op de Reünie. Doa is nog wel get mier vettigs gebeurd maar dao kennen we neet tevuul details euver kwietgeave.

Minpunten wel veur Wilchamp en Sande. Het duurde vuulste lang veurdet er eindelijk us get hitjes op dea speaker kwamen. Ouk het blaad beer om de winst te vieren leet vuulste lang op zich wachten. Om Kèpel toch nog maar get te steunen in deze zwaore tied veur hun, gingen we dao nog effkes de kantine in. Fijn die snackvitrine leeg getrokken en get linjeboëm weggetikt. Oeteindelijk toch weer beland op het terras van os eigen clubke en dae derde helft duurde nog lang voort……………………….

Volg VV Kessel ook op Facebook 

Sportpark De Roode Egge
Roode Eggeweg 6a Kessel
0774621833 - info@vvkessel.nl