Alles geave!

Goeiedaag luuj! Putje ballen tegen Bliërick. We beginnen metein good. 4 Miense kosten in ’t heilige boekje wegens te laat op komme draven. Colb en turbo hajje de raukpauze volges mig oppe baolderseweeg gehaoje want optied  komme zoot er neet in. Nel ’t sjlaagveld in de Koel neet euverleefd dus dao kos ouwk unne streep door. Wel drie puntj #kutSjengen!. Kipchoge loog nog bej sjeids Kögel zien dochter in bed dus ouk dea waar dr neet bie. Good Old en Djuppa bej het derdj meigeddaon en Witte brie hebbe ze oet zien nest en van unne andere planeet motte haolen om bej het viftj mei te doon. Gelukkig Pieter Post (Stan) van ut ursjt dr bie vandaag det scheelde wel un sluukse op unne borrel. Ofja maak dr mer unne ganse cola vieux van want mijn god dea pieter ken ballen. Enfin die douwe egberts achter de kiezen dus snel det kleidlokaal in. Dee warming up weer lekker kort als vanouds, gevolgd door unne donderspeech van coach greek. En det al allemaol nog veur de aaftrap. Einmaal in die wei werden die van Bliërick hartstikke dol getikt door ut twitj. Knotto en capi Piëee alles dicht achterin. Vroag neet hoe want dea otto zoog nog mier sterretjes als desse op 31 december um 00:00 de lucht in zuus vlegen. Op ut middenveld heerste Pieter Post met Asguil/Messi/Tum en Klomp Ivo aan zien zijde. Veurin sjravelde Greek, Tropical danny (Sjers) en Kees.  Toen gebeurder er plotselings get. We maken dr maar rond de 30ste minuut van. Greek dae hook in gestuurd, wonder boven wonder haojt dea traoge dee bal binnen en legt um truuk op Kees (yorman andres). Kees heet vervolgens unne bekeken binnenkajnd voot in hoes en dea bal ploft lekker in ’t netje. Twitj 1 – Blierick 0. Al vrie sjnel nao de openingstreffer verdubbeld ’t twitj zelfs de score. Unne ontketende Pieter luut mig toch unne granaat los op die kist van Bliërick. Dae keepert van Blierick uiteraard gen antwoord hie op. Unne klassieke “bitterbal” glipt fijn door de heng en biën van dee blierickse goalie. Haj d’r mer get mier mosterd van Kühne op die handsjoon motte sjméare. Twitj 2 – Blierick nog steeds 0!! De rest van ut ierste bedrief kabbelde de wedstried nog get voort mer niks bijzonders / noemenswaardig wat nog verteld mot weere behalve dan det knotto unne sjpits van blierick ff euver het kneen lag. Sjeids Pietje goof dao gelukkig genne pingel veur.

Tijdens de thee van wayne mot ut sjtill zien. Zoe sjtill zelfs det tostie toewn nog neet us get moog zeggen euver Kees ziene salsa celebration. Det ging dan auch wer un bietje te ver maar goed zoeals de titel al zeet Alles geave veur die drie puntj!!

Dan naor dee twiëde helft. Dao kennen we gerust weinig woorden aan vuul maken want ut waar rondoet sjlicht. Blierick un bus extra speulers loate komme en bej ’t twitj vloeide de krachten langzaam weg. Gelukkig beschikt ut twitj euver un mega breije selectie en dus ouk unne akelig goeie bank. Inmiddels Kees, Tropical, Pieter, Tum en fileerherman allemoal nimmer binnen de liënen en de ganse bank ingevallen. Turbo cruciaal in het wisselbeleid vandaag want we hajje alle men nuujdig. Kurve ziene sjouwerpees nimmer alijk en sexy pierke haj volges os weer verplichtingen bej de sjoënfam dus die waren ouk neet beschikbaar. Dankzij OZZE KEEPER (!) Kazillas en get sjlechte spitsen van bliërick bleef het gelukkig bij 2-0. Met nog 7 minuut 20 op de klok zoelas sjeids pietje aangoof vong ’t twitj het wel gesjoten. Hie en dao urges iets van un bus die geparkeerd steit of hoe ze det normaal ouk neumen.

Finally zien we aangekomen bie het belangriekste punt van de daag. Eindelijk iets waor we daadwerkelijk in oetblinken. De derde helft. Wilchamp kwaom auk nog ff buurte bej de kantien. Haj zich natuurlijk netjes aafgemeld midden in de zoaterdignacht. Det beteikende dus weer gen  gen muziekbox in ’t kleid lokaal. Maar det haojt os uiteraard neet tegen. Aardig get flappen en pils euver die toafels gekletst en un lekker lepke vliësj van die grillmeisters van rutten. Sommige luuj nog besloten om Beringe onveilig te maken onder leiding van Kees aangezeen capi Piëee ouk nao de Sjoënfam mos, vrouwke jeurig , tja det hebse toevallig ein kier per joar. Sexy Pierke steit dan rustig te kleppen in Beringe, gwn pas aansloeten in de derde helft. Mos ouk doon waorse het beste in bis zeggen we dan ouk altied. Inmiddels is het maondigochtend , idderein sjlecht d’r aan. Alle bazen , aojers , vriendinnen, vrouwen of angere dames weer euver de zeik. Maar goed ’t twitj alles gegeave en op nao volgende week!  

Volg VV Kessel ook op Facebook 

Sportpark De Roode Egge
Roode Eggeweg 6a Kessel
0774621833 - info@vvkessel.nl