't twitj verluust van Heljese Sjeids

Om kloksjlaag 9:00 al verzamelen bleek veur idderein achteraaf prima te doon, nemand te laat. Wel get afwezigen, sommige luuj van het twitj vingen het kennelijk nog nuujdig zichzelf op COVID te loate testen om vervolgens lekker in hun nest te kennen blieve liggen. In NL is de doodstraf helaas nimmer meugelijk dus dan mer €20,- piek euvermaken nao matige. Naus Waus a.k.a. OZZE KEEPER Kazilias werd gelukkig zoaterdig oavend nog vervangen door top talent Jeir om tussen het aluminium te sjtoan. Jeir mos helaas wel werken noa de match dus dae kosten we slechts half zaat truuk sturen richting Kessel. Wel top det dae jong os heet oetgeholpen.

Aafgesjproake waas um mit de fiets richting Helje te kerre, sommige bedachten zich toch op ’t letste moment en zoe waas toch het halve team met de auto en de angere helft met de fiets. Aangezeen het koffieapparaat nog in Kessel nog traoger waar den matige normaal gesproken, zien we toch mer redelijk oppe tied noa Helje gegaon. Dao begós de ellende al metein. ’T Twitj werd weggeduujd in un vuulste klein lokaal en moost auk nog zelfs op det betonveld genaamd “veld 4” speulen.

Coach Tumke dea de ganse nacht wakker haj gelaege om zien tactisch meesterplan samen te stellen reep de mannen 5 minuten veur de aaftrap bej iën om de opstelling te luiden. Jeir dus in de goal. Achterin: Good Old – CaPieee – Slipjes Staaks – Kipchoge. Op het middenveld: Tostie Toewn – Tropical Danny – Zorro. En veurin: Kees – Greek – NN7. Knotto dae al weake ligt te zaniken det dr woij vlagen mocht vandaag eindelijk dan aan de zieliën staon veur jan lul met zon sjaemel stekske in de handj.

Euver de ierste helft zullen we het kort hoaje. Helje waas dramatisch mer ’t twitj nog vul erger. Beste man aan Kesselse zijde waas ozze nieje mascotte; Eric de Cock Worm. Van de ierste 45 minuten heet het spel welgeteld zo’n 40 minuten stil gelegen met dank aan dea douve kwartel van unne sjeids. Knotto probeerde nog keurig de 1-0 veur helje aaf te vlaggen mer de sjeids vong ’t vlagsignaal te laat en professioneel dus zelfs tot de verontwaardiging van Helje werd de 1-0 toch goodgekeurd. Metein daonoa guuft deazelfde pipo van unne sjeids maar veur de 800ste kier unne vrieje trap aan helje. Zoeals gea gewend ziet van het twitj weer dunne vrieje trap uiteraard neet weggewerkt maar moog emand van helje dea bal vrij eenvoudig binnentrappen. Tropical Danny heet nog ein klein kupbelke als wapenfeit namens ’t twitj maar dea hoajt de 78joarige keeper van Helje er vrej aardig oet.

Tied veur de intermezzo. Dus weer det ganse stuk truuklaupen tussen de petattevelden door veur un bekerke thiëe in det vuulste kleine hok. In de rust kumpt veural ter sprake hoe slecht helje wel neet is, maar hoe nog vuul slechter wea eigenlijk zien. Matige wuuld gear op midmid het veld in , maar wilt auk gear vlaggen. Gea raad zelf mer welke van die 2 opties het geworen is. Knotto, Kurve en BP (sexy papa pier) komen in de ploog. Tostie Toewn, Kipchoge en NN7 weere oet hun lijden verlost.

Wonder boven wonder is het de 2de helft einrichtingsverkier richting de goal van Helje maar ’t Twitj heet zoeals wel vaer meujte met scoren. Un kwarteer veur tied wuurd dan toch de anschlossTOR gemaakt. Unne vrieje trap van Kurve vluugt rechtstreeks in de lange hook al probeert Tropical Danny wel de goal nog te claimen en beweert det hea de bal toucheerde met ziene knuur. Anyway alle goals komme toch op naam van NN7. ’t Twitj kriegt links en rechts nog wel get kleine kenskes maar helaas kumpt de 2-2 dr nimmer van.

Nou jah, jammer dan. Unne baggere ierste helft en unne redelijke 2de helft. Dan mot de beste helft nog komen. In ’t heljesse zunke beginnen die ierste goudgeale rakkers te vloeien. Ouk zeker ozze complimenten nao het assortiment in de kantine van ozze buren! Goeie Soep, goeie bruedjes gezond en un top Teampakket. 1,70 veur unne kaaje is auk in deze tied van Oërlog, inflatie en woningcrisis niks van te zeggen. Inmiddels is Cock Worm Eric wel gesneuveld in het kleidlokaal. Maar gelukkig heet BP nieuws det er unne aanwinst op komst is veur het twitj. Sexy Pier weerd namelijk Sexy Papa Pier van unne zoon Eric dae op 12 September geboren geit weere. Als veurschot dao op is BP zoe aardig om op Kermis Helje Moandig unne team BBQ te organiseren. Veur mier info over zoon Eric of de teambbq kent gea mailen nao Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. .

Nao de kantine in Helje zoe good als oetgespeuld, goan we nog ff door richting Café de Pool woar al snel ozze manschappen in getalen beginnen te minderen. Met name is ozze teleurstelling groët in de familie Peeters die met de noorderzon en stille trom gevlogen waren. Shout-Out wel nao Djuppa dea gen minuut nuchter is geweest deze zondig. Veur djuppa , ein van de fietsers , bleek de truukweeg toch un brug te ver. Gelukkig functioneren de Heljese bossen tegenwoordig auk prima als fietsenstalling.

Volgende weak weer unne oetwedstried, dan moog de armada van het twitj noa Blierick op bezeuk. Unne tegenstander woar we wel us puntj tegen motte kennen pakken maar we waarsjienlijk toch neet zullen doon.

Volg VV Kessel ook op Facebook 

Sportpark De Roode Egge
Roode Eggeweg 6a Kessel
0774621833 - info@vvkessel.nl