Schup dae bal nao veuren

Goijemerge luuj wir sjoën det geur oppûh goedvoelmaondig in de krochten van de Kelderklasse un wordbestandje hubt ontvangen of op de website van VV Kessel dit prachtig staaltje sjrieverskunst ziet tegengekomme. Gister stong namelijk de thoeswedstriedj tegen koploëper en sjandalig sjabbe eftal VOS 3 op ’t program. Daor waor biej os idderein keurig op tied kumpt (behalve Sande, Turbo, Colbie en nog emand dea ik ff vergeate bun maar volges mig Ivo), vingen ze ’t bie VOS sjienber normaal om pas 5 minuutj veur aaftrap te arriveren op ’t sportpark vanne tegensjtanjer. ’t Twitj op pepeer met 20 man in realiteit bleek dit al gauw neet te kloppen. Maosknuur van ‘t virtj keek coach Greek unne kier leef aan en vroog of wea neet nog 2 sjerpe luuj koste missen. Nao wikken en wegen wuurd besloten om sterspeuler tostie in ozze eigen gelederen te haoje en matige (ALWÉÉR) plus baardknuur oet te leveren. Later hiej euver mier. Verder waas deze morgen de mexibatta van de Phic weer erg in trek. Coach Tumke Asguil haj uiteraard auk weer de huule weak op un plan liggen te broeden , namelijk volle bak drukzetten op de instabiele verdedigers van VOS. Met de fysieke en mentale gesteldheid veur de wedstried waas ’t redelijk oké zullen we maar zeggen. De meiste kaaje linjebaum gelurptj in Naer veur 3,30 in de damphal. Allein fileerherman redelijk aan de aolie gelaaje , want dae woor er wel huul sjlecht aan. Toch Herm wel in de basis. Samen met de volgende 10 luuj:

Op goal: OZZE KEEPER nauswaus kazilias

Achterin: Kipchoge – Knotto (Appa) – CaPiëee – Fileerherman

Midfield: Jackson Jr – SlipjesStaaks – Betastie Tostie Toewn

Veurhoede: Kees – SexyPapa BP – Kay Kurve

In de klassieke 4-3-3 dus en NN7 ontfermt zich euver de vlag.

’t Twitj opent redelijk sterk en zet VOS in de beginfase redelijk onger druk. Ierste kans is veur Kees maar eindigt helaas in ’n rollertje. Kees vandaag auk loëd in de sjoon want dae bakte er werkelijk huulemoal niks van. Zo’n weekend werken in de heuf bej dae geldwolf van dotje geit dich dan auk neet in de kaoje kleijer zitten. Dan volgt eigenlijk de storm aan aanvallende pogingen van VOS. Jackson Jr. ruilt van positie met Kipchoge om de linksboete van VOS ’t laeve zoer te maken. ’t Twitj werkt zich ut sjnot veur de augen en dankzij de inzet, werklust en unne nuchtere kazilias haoje we good stand tegen de koplauper. Helaas zetten we dao aanvallend weinig tegeneuver en citeer ik de terechte quote van de veurstopper van VOS: “ach man lig neet zoe te zeiveren, die hebbe nog neet eine kiër aan ozze zestiën geraoke”.

Net veur rust wuurd dan ’t verzet van ’t twitj gebraoke. Un goeie aanval van VOS ken zelfs door unne in bloedvorm verkierende kazilias neet gehaoje weere. Jammer net veur de thiëe de 0-1 op ’t scorebord. Tiedes de rust un stukske shakespeer van Greek om de motivatie biej ozze luuj d’r in te hoaje. Van de zoegenaamd 20 man die we op papeer hoaje hebben we er dan nog net 11 euver. Fileerherman a.k.a Lea van Dael en Kees te brak veur nog ens 45 minuutj, BP oet de wedstried gesjupt, Tostie oet de wedstried gesjupt, Kipchoge moog van de dokter mer 50 minuten mei doon. Roeje Thei, Zorro en Colbie komen dan binnen de liënen en vormen de nuuje veurhoede. Als dan in de twiëde helft zelfs ozze 2 fitste speulers CaPiëee en Kurve ’t begeave hebben coaches Greek en Tumke er genog van. A.s. Vriedig boslaup !!! Idderein zien aanwezigheid verplicht en minimaal 5km loëpe , RENNEND!!!. Kameleon Djuppa probeert zich dan doëdleuk onger ’n invalbeurt oet te lullen , mer dae kregen we gelukkig nog zoever om in te vallen. Betastie probeert ’t nog ff maar ’t geit neet. Toch wuurd FileerHerman dan gedwongen om de letste 10 minuten vol te maken.

Inmiddels is helaas wel de 0-2 op het scorebord gekomen. ’t Twitj wuurd via Kees, Colbie en Zorro nog enigszins gevierlijk maar het aluminium en ontbreakende scherpte weerhaojt os om get truuk te doon op ’t scorebord. Al met al is 0-2 verlezen van de koplauper auch gen sjande en mogen we best trots zien vandaag. In de kantine van Kessel is de sfeer karig deze zondig dus al snel wuurd besloten om richting képel te gaon um ozze boys van ’t ursjt aan te moedigen. Mer auk helaas veur hun speulen die misselijke greune beter en geit auk het ursjt eraan met 3-1. Dan is drank de enige oplossing en vloeien zal d’r. Snel door nao Patrick Pilot en die luuj van ’t virtj in helje dörp! Dao aangekomme zien er un paar roddels rond aan het gaon det Matige en Baardknuur ’t gezelligste team van Limburg en (al zéker van Kessel) willen verruilen veur ’t virtj. Mot gea lekker doon jungs , stelletje sjmaerige Judassen det ge deze aardbol bewanjeld. Wae mer dinken det ’t virtj un collega team van os is mer niks bliekt minder waor. In deze situatie zien wea Oekraïne en ’t virtj is Rusland met maosknuur als Putin. Baardknuur en Matige ich haop det ge uchzelf huul get vingt , mer van ’t twitj hooft ge verder niks mier te verwachten. In Helje is de sfeer verder wel gezellig en Pilot zet de tent volledig oppe kop! Twitj redelijk snel de nek volgesjud en met zoe vuul man waren we noe auk weer neet in de 3de helft. Redelijk triest eigenlijk. Mer goed , volgende waek weer nieje kansen tegen wederom koplauper VOS.

Fotoverslaag hiej onjer

bewiesmateriaal judas matige

bewiesmateriaal judas baardknuur