Gen degradatie veur ’t Twitj!

Goijedaag luuj we vallen mer geliek met de deur in hoës en kennen uch ’t fantastische nuujs mit gaon delen, ’t twitj haet zich aafgeloëpe dinsdig zoewaar vrijwel zeker veilig gesjpeuld in de 5de (net gen) Kelderklasse. Met un gaat van 6 puntj op de ongerste regionen en slechts nog un hendje vol wedstrieden te gaon zou ’t nimmer fout mogen gaon veur ’t twitj. Un godswonder mogen we det toch wel neumen, det wae os veur VV Kessel met os kreupele elftal opofferen om in die rotte 5de klasse te speulen en dan auk nog uns handhaving weiten te bewerkstelligen. Unne dieke chapeau nao os zellûf. En det terwijl ‘t 3de , ’t virtj en ’t viftj elke weak lekker op hun 11 en 30ste in die 6de klasse kennen banjere. De vreugde waas nao de wedstried dan auk enorm, echter kwaam later al het besef det we dus volgend jaor weer in deze klasse wersjienlijk degradatievoetbal motte sjpeulen. Mer achja, wea zien toch neet ’t beste mer wel ’t gezelligste team dus woar en tegen weam we speulen maakt os auk neet zoevuul oet. Als er mer get kaaje lurp gedronken ken waere nao 90 minuten intensiefe arbeit.

Enfin luuj door nao de samenvatting van ozze match van aafgeloëpe dinsdaag. Nao un paar waeke van rust veur ’t twitj , alhoewel sommige neet te beroerd zien andere teams oet te helpen, mochten we doordeweaks de wei in tegen DES Zjwaame 3. Unne tsunami golf aan afwezigen. Familie Peeters zoeals gebruikelijk neet aanwezig (behalve roeie thei). Piëee als aanvoerder speulse noe echt met vuur. Sexy Papa Pierke auk wegens un hoor neije urges in ’n van der Valkie er neet bie. Van Kees hebben we gen geldige reden ontvangen, dae kriegt sjienbaar op maondigaovend kegelzaat op kermis bree un ingeaving det dr zich auk zoemer ken aafmelden. Om nog mer neet euver ozze leiding te beginnen. Auk Turbo lurptj lever en verzint vervolgens daag ernao un werkexcuus om neet te komme. Sande en Wilchamp zien er immer nooit. Ozze vedette NN7 is als klap op de vuurpijl auk nog stees geblesseerd samen met Tropical Danny. Al met al mier luuj aafwezig dan aanwezig. Gelukkig unne nuuje aanwinst in de technische staf in de persoën van Bart U. als stagiair waterzakdrager. Verder versterkingen van ’t ursjt en ’t viftj wat os bringt bie de volgende line-up:

Keep: Nauswaus OZZE KEEPER Kazilias

Defence: Good Old – Matige (gelegenheidsaanvoerder met nieuwe bandj) – slipjesstaaks – Jackson jr.

Middenveld: Fileerherman – Ivo – Kurve

Veurhoede: Bergkamp – Colibertho – Greek

Bench: Roeie thei, Salmiak, Nabbensko, Kipchoge , Zorro, Baardknuur

Coach Tum Asguil stuurt os met zien oud vertrouwd masterplan dea graasplak op: “gewoën volle bak drukzetten , die verdediging ken er toch gen hout van”.

Nao de ierste 5 minuten is ’t al gauw duudelijk det dit neet geit werken. Die aoj zek van DES zjwaame tikken os ’t aapezoar en ’t twitj wuurd van ’t kastje nao de moer gestuurd. Un diek halfoer bezig , vallen er altied nog weinig kansen te noteren. Zjwaame is beater mer mede dankzij unne mega sterk ballende slipjesstaaks haoje we zjwaame van scoren aaf. In de counter zien ’t met name Greek en Bergkamp die wel loeren , mer eigenlijk auk de bal snel kwietraken. Nao die kun halfoer griept coach Tum den auk in en wuurd de meuggestreden Colbie nao de kantj gehoald. Colb is ’t d’r euverigens neet met ens, mer unne extra middenvelder is nuujdig dus baardknuur kumpt erin en we sjakelen euver nao 4-4-2. Oeteindelijk toch genne stress bie colbie want de Mitsubishi lancer oet 1996 heet de APK keuring bej Jaapie van de Bong weer euverleaft en det is toch wel ut belangriekste niejs van de daag. Slechts ein lempke kapot!

Maargoed gauw door nao de match. Met baardknuur in de gelederen griept ’t twitj toch mier controle euver het middenveld en kumpt zjwaame er auk nimmer doorhean. Rusten doon we dan auk met de brilstand 0-0.

In de rust wuurd Good Old oet zien lijden verlost wat dae speulde unne draak van unne pot. Coach Tum Asguil wult dan linksboete van nature Zorro op de rechtsbackpositie neerplanten mer dao wuurd toch un stokje veur gestoken. Auk Fileerherman heet mer weer uns de piep leag en mot nao 45minuutj al ’t vel ruimen. Dae conditie van Fileerherman heet zien hoogtijdagen kennelijk auk al lang en breid gehad. Veur hum kumpt Salmiak binnen de liënen.

De twiëde helft begint ’t twitj un stuk beter te ballen. Met Salmiak en Zorro toch un stuk mier diepgang en auk Greek en Bergkamp komme steeds dreigender op de goal van Zjwaame aaf terwijl Ivo en Baardknuur ’t midfield volledig in controle hebben. Wae bedanken de trainer van Zjwaame veur ’t inbringen van dae prop op rechtsback , want dae kos d’r werkelijk hielemoal niks van. Al vriej snel kumpt ’t twitj zoewaar op veursprong. Via Baardknuur ziene “veurassist” (det woij dr zelf gaer beneumd hebben) kumpt de bal bie Salmiak dae met unne lekkere indreijende veurzet ’t belke op Ivo ziene ruume schedel deponeert. Ivo knikt vervolgens lekker binnen en ’t twitj op 1-0! Neet vuul later verdubbelt ’t twitj de score. Dit kier unne vrieje trap van Ivo dae op de knuur van Baardknuur terechtkump en dae kupt ‘m auk lekker binnen. 2-0!!! Ongekende luxe veur ’t twitj in deze 6 punten wedstried um de strijd tegen degradatie.

’t Restant van de wedstried , beperken we os tot verdedigen en met nog get verse krachten haoje we zelfs vakkundig de 0. Shout-out noa de verdediging onger leiding van Gelegenheidscappi Matige en Slipjesstaaks als centrale duo. Tevens moog auk Nauswaus OZZE KEEPER kazilias bedankt weere veur un paar uitmuntende reddingen!

Met un bietje geluk woor de kantine opengebroken door baardknuur, helaas waas ’t dao 40 graaj en stongen d’r slechts 4 kratjes kaod. Dus nog ff door nao popper, mer ’t bleef bej unne bescheiden derde helft helaas. Gaer wensen we matige nog unne fijne vakantie in Malle , dae hubse wel verdeend nao zonne pot. Verder alle losers die zich telkens aafmelden, gae kent un rekening t.a.v. de boetepot of KNIP clubcard verwachten!!

A.s. zunjig tegen Roggel 3 dao zullen we wersjienlijk neet van winnen en wederom hebben we kuubs aan aafmeldingen, det wuurd wat , achja wel GOOD WAER! Arrivederci! Foto verlaag hej onger:

Good Old en Ivo met KALE!